Инклюзивті орта құру

Бүгін 10.02.2023 жылы мектебімізде « Инклюзивті орта құру» (ЕББҚ оқушымен жұмысты ұйымдастыру жолдары ) атты коучинг өтті.  Коучингті мектебіміздің бастауыш сынып мұғалімі Қалимолданова Жанна Қырықбаевна өткізді. Коучинг мақсаты «Ерекше білім қажет ететін оқушыларға қандай педагогикалық қолдау көрсету керек және инклюзивті орта құрудағы құралдар түрі». Мұғалімдер ЕББҚ оқушылардың ауыру түрлерімен, олардың белгілерімен, оқу процесінде қандай қиындықтар туындайды және сол оқушыларға қандай қолдау көрсету қажеттілігі туралы мәлімет алды. Мұғалімдерге кейстер беріліп, кейстермен жұмыс жасады. Берілген тапсырмада ЕББҚ оқушысына қандай тапсырма берер едіңіздер? деген сұраққа жауап берді. Оқушы деңгейіне қарай тиімді тапсырмалар құрастырды.
Белсенді және тиімді әдіс-тәсілдермен бөлісті. Әр мұғалім өз сыныбындағы ЕББҚ оқушылармен жұмыста қандай қиындықтар кездеседі, сол қиындықтармен қалай жұмыс жасап жатқандығы туралы ойларымен бөлісті. Коучинг соңында мұғалімдер ЕББҚ оқушыларына  қолдау көрсету жолдарын іріктеп, әдістеме тізбегін құрастырды. Мұғалімдер коучингтан пайдалы мағлұмат алғаны үшін рахмет білдірді