Оқушыларды жол ережесімен таныстыру
Талдықорған қаласы №27 орта мектеп-гимназия.
04.10 күні оқушыларды жол ережесімен таныстыра отырып, жол қауіпсіздігін сақтаудың адам өміріндегі маңыздылығын ұғындыру. Тәртіпке, сақ болуға , көшеде өздерін дұрыс ұстап жүруге тәрбиелеу мақсатында, жол патруль полиция инспекторы Зенгибаев Аян «Жол ережесін сақтайық» тақырыбында бастауыш сынып оқушыларымен кездесу өткізді. Оқушылардың жолда жүру ережесі, жол белгілерінің түрлері жайында білімдерін толықтырды. Барлық қалаларда , сол сияқты біздің де қаламызда бәріне ортақ көше қатынас ережесі енгізілген. Бұл ережені оқушылар да, үлкендер де , яғни барлық жүргізушілер де бұлжытпай орындауы керек. Полиция инспекторы оқушыларға сұрақтар қойып, олардың жауаптарын тыңдады. Жол заңы дұрыс жүріп, абай болуды талап ететінін тағы бір мәрте естеріне салып өтті.
